I Valen kyrkje onsdag 15. januar frå kl. 11-13.
Jul og nyttår er passert. Dei fleste av oss er metta av pinnekjøt og julekaker.
Vafler og kaffi. Kva forbind du dei orda med?
Nokre av oss tenkjer på sjømannskyrkja. Sjølv jobba eg i min ungdom på sjømannskyrkja i Trinidad. Sjøfolk frå mange ulike nasjonalitetar likte svært godt vaflene dei fekk servert. Dei gjekk ned på høgkant.
For nokre år sidan starta Husnes og Holmedal sokneråd opp med kyrkjekafé i Valen kyrkje kvar tredje onsdag i månaden. Det har blitt eit hyggjeleg treffpunkt for mange. Me har kalla det kafé. Ein kan stikka innom og vera så lenge ein har tid, frå klokka 11-13. Fleire har med strikketøy og nokre har med nistepakke. Praten går og folk har det triveleg saman.
Fyrstkomande onsdag startar me opp att. Du er velkomen til kyrkjekafé i Valen kyrkje.
Vafler, kaffi og triveleg selskap.
Helsing Liv slettemark