Komande sundag, 12. juli, kl. 14.00 kan du vera med på gudsteneste på Skorpo!
Det vert båtskyss frå Sandakaien (like nedanfor SPAR Uskedalen) kl. 13.00. Liturg er sokneprest i Uskedalen, Astrid Elisabeth Wilborn. Kyrkjekaffi. Offer til kyrkjelydsarbeidet.
Dersom dårleg ver vert gudstenesta lagt innadørs på låven. Alle er velkomne til ei tradisjonsrik gudsteneste i Vågen, hos Ole Kristoffer og syster hans Annbjørg. Ho er også klokkar og les tekstane for dagen.
Nils Rainer Vågen vert med. Saman med Kristian Bringedal på trekkspel har han tonefylgje til salmane. Han vil også spela solo til inngang og utgang.
Pris for båtskyssen: Kr. 150,-. Born: Kr. 100,-. Familie: Kr. 400,-. Dette vert betalt ved ombordstiging, kontant eller på VIPPS